काठमाडौं । नेपाल एल. पि. ग्याँस उद्योग संघको नयाँ कार्यसमिति कुशप्रसाद मल्लीको नेतृत्वमा निर्विरोध निर्वाचित भएको छ । मल्ली यसअघि संघको बरिष्ठ उपाध्यक्ष हुनुहुन्थ्यो ।

नयाँ कार्यसमितिमा निवर्तमान अध्यक्ष गोकुल भण्डारी र विशिष्ट सदस्य राजेन्द्र डल्लाकोटीलाई पनि राखिएको निर्वाचन समितिले जनाएको छ ।

संघको वरिष्ठ उपाध्यक्षमा शंकर श्रेष्ठ, उपाध्यक्षमा मनोज कुमार दास र दिवान चन्द, महासचिवमा कृष्णभक्त श्रेष्ठ, कोषाध्यक्षमा धर्मराज वर्तौला र सचिवमा आशिष अग्रवाल जर्जोदिया निर्वाचित हुनुभएको छ ।

कुल १९ सदस्य कार्यसमितिमा अरु १० जना कार्यसमिति सदस्य रहेका छन । संघको २६ औं साधारण सभा तथा १० औं अधिवेशनले सहमतीमा नयाँ कार्य समिति गठन गर्नका लागि प्रयास गर्न निवर्तमान अध्यक्ष गोकुल भण्डारीको संयोजकत्वमा ४ सदस्यीय समिति गठन गरिएको थियो ।