काठमाडौं । नेपाली कांग्रेसका केन्द्रिय सदस्य चन्द्र भण्डारीले १४औँ महाधिवेशनमा सभापति पदमा उम्मेदवारी दिने निर्णय गर्नुभएका उपसभापति विमलेन्द्र निधिलाई उम्मेदवारी घोषणा गरेर मात्र नहुने बताउनु भएको छ ।

कांग्रेसको सभापति पदमा उम्मेदवारी दिने निर्णय गरेसँगै निधिले आज बानेश्वरस्थित बानेश्वर बैंक्वेटमा सम्पर्क कार्यालय उद्घाटन गर्नु भएको हो ।

उहाको सम्पर्क कार्यालयको उद्घाटनमा पुग्नु भएका भण्डारीले कमजोर भएको कांग्रेसलाई सबैलाई मिलाएर समायोजन गर्नु पर्ने दायित्व रहेको सुझाव दिनु भएको छ । अहिले राजनितिक संस्कार र संस्कृतीले पनि नयाँ बाटो खाजिरहेको उहाँको भनाई थियो ।

भण्डारीले भन्नुभर्यो मेरो देश र हाम्रो सम्बन्ध, हाम्रो संस्कार र संस्कृतीलाई कुनै पनि गुट उपगुटको सिमाले रोक्न सक्दैन ।

नेपाली कांग्रेसका कार्यकर्ताहरुले हामीले बनाएको संविधान र समानुपातिक समावेसी प्रणाली अनुसार कसैले पनि न्याय नपाएको उहाँको भनाइ थियो ।