काठमाडौं – पाल्पाली संगमको अमेरिकामा कमिटी गठन भएको छ । महेश भट्टराईको अध्यक्षतामा कमिटी गठन भएको हो ।

अमेरिकामा रहेका पाल्पालीहरुको पटक–पटकको भर्चुअल बैठक र छलफलपछि यो कमिटी गठन भएको अध्यक्ष भट्टराईले जानकारी दिनुभयो ।

विगत लामो समयदेखि विभिन्न सामाजिक अभियानमा सक्रिय रहेकाले साथीहरुले आफूलाई अध्यक्षमा चुचेको उहाँको भनाइ छ ।

त्यस्तै, कमिटीको वरिष्ठ उपाध्यक्षमा धर्म आचार्य (फ्लोरिडा), उपाध्यक्षमा डा.सन्दीप पाण्डे (टेक्सास), महासचिवमा परशु नेपाल (भर्जिनिया), सचिव सागर घिमिरे (मेरिल्याण्ड) र कोषाध्यक्षमा जितेन्द्र राणा (इलोनोई) छन् ।

कमिटीका सदस्यहरुमा अमृत भट्टराई (मिचिगन), लक्ष्मण नेपाल (क्यालिफोर्निया), रश्मि भट्टराई (भर्जिनिया), मिना जिसी (मेरिल्याण्ड), मधु नेपाल (फ्लोरिडा), मन्जु कार्की (फ्लोरिडा), डिल्ली भुसाल (क्यालिफोर्निया) रहेका छन्।

साथै, बैठकले डा. रुद्र अर्याल र जगदीश काफ्लेलाई सल्लाहकार राख्ने पनि निर्णय गरेको छ ।

संगमका अन्तराष्ट्रिय संयोजक सतीश चापागाईँले अमेरिकामा कमिटी गठन भएकोमा खुशी ब्यक्त गर्दै अरु देशमा पनि यो प्रक्रिया र छलफल चलिरहेको बताउनुभयो ।

पाल्पाली संगमका केन्द्रिय अध्यक्ष पदम न्यौपानेले संसारभरका पाल्पालीलाई यसैगरी एक गरेर पाल्पाको एकीकृत र दिगो विकासमा सबै पाल्पालीको सहयोग रहने विश्वास व्यक्त गर्नुभयो ।

पाल्पाली संगम अमेरिकाल पाल्पामा १६ लाख रुपैयाँ बराबरको कोभिडसम्बन्धि मेडिकल सामग्री पठाएको छ ।