काठमाडौं । नेकपाका अध्यक्ष पुष्पकमल दाहाल प्रचण्डप्रति नेकपाकै नेताहरुले कडा आलोचनासहितको टिप्पणी गरेका छन् ।

नेकपाका नेता तथा प्रदेश नं. पाँचका मुख्यमन्त्री शंकर पोखरेलले प्रचण्डको अभिव्यक्तिप्रति टिप्पणी र व्याङ्ग्य गर्नुभएको छ । उहाँले अध्यक्ष प्रचण्डलाई लाज नभएको नेताको रुपमा चित्रित गर्नुभएको छ ।

कालापानी क्षेत्रको सिमा सम्वन्धी विवाद धेरै पुरानो भएपनि प्रचण्ड आफु प्रधानमन्त्री हुदा केही नगरेको पोखरेलको भनाई छ । उहाँले अहिले प्रधानमन्त्री केपी शर्मा ओलीले गरेको कामबाट प्रचण्डले आफुले श्रेय लिन खोेजेको भन्दै व्याङ्ग्य गर्नुभएको छ ।

सामाजिक सञ्जालमा नेता पोखरेलले प्रश्नसहितको टिप्पणी लेख्नुभएको छ, “कालापानी क्षेत्रको सिमा विवाद पुरानै हो। आफु प्रधानमन्त्री हुदा नक्साको कुरा थाहा नपाउनेले, अहिले उहाले होइन मैले हो भन्न कसरी सकेको?”

उहाँको यो टिप्पणीलाई नेकपा भित्रको विवाद थप चर्किदै गरेको संकेतको रुपमा समेत लिइएको छ ।