२०८३, भाद्र ८ गते
- यो साता चर्चामा :
एजेन्सी – फ्रान्सका राष्ट्रपति इमानुएल म्याक्रोनमाथि दक्षिणी फ्रान्सको भ्रमणका क्रममा एक व्यक्तिले हातपात गरेका छन् ।
सडकमा उभिएका व्यक्तिसँग कुराकानी गरिरहँदा एक व्यक्तिले राष्ट्रपति म्यांक्रोलाई झापड हानेका हुन् ।
अन्तर्राष्ट्रिय सञ्चारमाध्यमहरुका अनुसार उक्त घटनालगत्तै राष्ट्रपति म्याक्रोनको सुरक्षा टोलीले परिस्थितिलाई नियन्त्रणमा लिएको थियो ।
उक्त घटनामा संलग्न रहेको आरोपमा दुई व्यक्तिलाई सुरक्षाकर्मीले पक्राउ गरेको छ । फ्रान्सको राष्ट्रपति कार्यालयले जारी गरेको वक्तव्यमा ती व्यक्तिले राष्ट्रपतिलाई हिर्काउने प्रयत्न गरेको उल्लेख छ ।
वक्तव्यमा राष्ट्रपतिको नियमित कार्यक्रम यथावत रहने बताइएको छ ।
राष्ट्रपति म्याक्रोनलाई ती मानिसहरुले किन झापड हाने भन्ने तथ्य भने खुलिसकेको छैन । घटनाको अनुसन्धान भइरहेको फ्रेन्च प्रहरीले जनाएको छ ।
