२०८३, भाद्र ७ गते
- यो साता चर्चामा :
काठमाडौं । यस वर्ष मनसुन सुरु भएदेखि हालसम्मको अवधिमा १ सय १३ जनाको मृत्यु भएको छ । बाढी र पहिरोका कारण २८ जिल्लामा ११३ जनाले ज्यान गुमाएका हुन् ।
केन्द्रीय प्रहरी प्रवक्ता डीआईजी निरजबहादुर शाहीका अनुसार विभिन्न जिल्लामा भएका घटनामा १०३ जना घाइते छन् भने ४५ जना बेपत्ता भएका छन् ।
बेपत्ताको खोजी कार्य जारी राखिएको प्रवक्ता शाहीले बताउनुभयो । खोज तथा उद्दारमा नेपाली सेना, नेपाल प्रहरी र सशस्त्र प्रहरीको टोली खटिएको उहाँले बताउनुभयो ।
प्रहरीका अनुसार बाढीपहिराबाट सबैभन्दा बढी म्याग्दीका २८ जनाको मृत्यु भएको छ भने जाजरकोटमा १२, तनहुँमा ११ र कास्कीमा १० जनको मृत्यु भएको छ । नेपालमा मनसुन ३० असारबाट भित्रिएको थियो ।
