काठमाडौं । काठमाडौं उपत्यकाका सडकमा भोलि (बिहीबार) पनि बिजोर नम्बर प्लेटका सवारी मात्र चल्ने भएका छन् । 

आज पनि उपत्यका बिजोर नम्बर प्लेटकै सवारी चलेका छन् । आज असार महिनाको ३१ गते र भोलि साउन महिनाको १ गते दुबै दिन बिजोर गते भएकाले बिजोर नम्बर प्लेटकै सवारी चल्ने महानगरीय ट्राफिक प्रहरी महाशाखाका प्रमुख एसएसपी भिमप्रसाद ढकालले बताउनुभयो ।

सरकारले लकडाउनलाई खुकुलो बनाउने निर्णय गरेसँगै यातायातका साधनमा जोरबिजोर प्रणाली लागू भएको थियो ।
ट्याक्सीमा भने सरकारले जोरबिजोर प्रणाली लागू गरेको छैन ।