२०८३, भाद्र ७ गते
- यो साता चर्चामा :
काठमाडौं । पेट्रोल पम्प व्यवसायीको कमिसन दर वृद्धि हुने भएपछि पेट्रोलियम पदार्थको मूल्य पनि बढ्ने भएको छ ।
कमिसन वृद्धिसँगै पेट्रोल र डिजेलको उपभोक्ता मूल्यमा औसतमा ०.३६ प्रतिशतले बढ्ने नेपाल आयल निगमले जनाएको छ । कमिसन नबढाएपछि बढी मूल्यमा पेट्रोल र डिजेल बिक्रि गर्ने चेतावनी दिएपछि आयल निगमले पेट्रोलपम्प व्यवसायीको कमिसन दर वृद्धि गरेको छ ।
निगम संचालक समितिको आगामी बैठकले निर्णय गरेपछि वृद्धि भएको कमिसनदर व्यवसायीले पाउने सहमति भएको छ ।
निगमका प्रवक्ता विनितमणि उपाध्यायले हिजो विज्ञप्ति जारी गर्दै साबिकको कमिसनदरमा पेट्रोलमा ०.३९५ प्रतिशत र डिजेलमा ०.४७ प्रतिशत बिन्दु कमिसन बढाएको जानकारी दिनुभएको छ ।
यसअघि पेट्रोलमा ३ प्रतिशत र डिजेलमा २.६५ प्रतिशत कमिसन दिइँदै आएको थियो । यसपटक गरिएको व्यवसायीको कमिसन वृद्धिले उपभोक्ता मूल्यमा चाप बढेको छ ।
