काठमाडौं । हास्य कलाकार मनोज गजुरेलले दोस्रो विहे गर्ने भएका छन् । पत्नी मीना ढकालसँग सम्बन्धविच्छेद भएपछि करिब ३ वर्षदेखि ‘सिंगल लाइफ’ बाँच्दै आएका उनले नयाँ जीवनसाथी भेटेको खुलासा गरेका हुन् ।

आफू चाँडै विवाह गर्ने तयारीमा रहेको गजुरेलले एउटा टेलिभिजन च्यानलको अन्तवार्तामार्फत खुलासा गरेका हुन् । उनका अनुसार विवाहको तिथि भने निश्चित भएको छैन । साथै, उनले कोसँग विहे गर्न लागेको त्यो पनि खुलाएका छैनन् ।

कलाकार गजुरेलले ०७४ सालमा श्रीमती मीनासँग डिभोर्स गरेका थिए । उनीहरुका एक छोरा र एक छोरी छन् ।