काठमाडौं । प्रधानमन्त्री निवास बालुवाटारमा अहिले नेपाल कम्युनिस्ट पार्टी (नेकपा)को सचिवालय बैठक जारी छ ।

बैठकको समाचार संकलनका लागि त्यहाँ पुगेका पत्रकारलाई भने बालुवाटार प्रवेशमा रोक लगाइएको छ ।

सुरक्षाको कारण देखाउँदै आफूहरुलाई प्रहरीले बालुवाटार प्रवेशमा रोक लगाएको सञ्चारकर्मीहरुले बताएका छन् ।

अहिले आफूहरुले बालुवाटार प्रवेश बहिस्कार बाहिरबाटै रोपोर्टिङ गरिहेको उनीहरुले बताएका छन् ।

बालुवाटार प्रवेश गर्न नदिइएपछि अहिले सञ्चारकर्मीहरुले विरोध गरिरहेका छन् ।

यसअघि पनि सुरक्षाकै कारण देखाउँदै पार्टी कार्यालय धुम्बाराहीमा गर्ने भनिएको सचिवालय बैठक बालुवाटारमा सारिएको थियो ।

तर, ‘सुरक्षा थ्रेट’ कोबाट कसलाई छ भन्ने चाहिँ खुलाइएको छैन ।