काठमाडौं । निर्धन उत्थान लघुवित्त वित्तीय संस्थाको नेतृत्व परिवर्तन भएको छ । संस्थाको अध्यक्षमा जनार्दनदेव पन्त नियुक्त हुनुभएको छ ।

कम्पनी सञ्चालक समितिको यहि असोज २१ गते बसेको बैठकले संस्थाको अध्यक्षमा पन्तलाई नियुक्त गरेको हो । यसअघि अध्यक्ष हरिकृष्ण पन्तले राजिनामा दिनुभएको थियो । उहाँको राजिनामा कम्पनी सञ्चालक समितिको बैठकले स्वीकृत गरेको छ ।

निर्धन उत्थान बैंकले अहिले बैंक तथा वित्तीय संस्था सम्बन्धी ऐन, २०७३ अनुसार गरीबीको रेखामुनि रहेका नेपालीहरुलाई वित्तीय तथा तालिम लगायतका गैर वित्तीय सेवा दिइरहेको छ ।

संस्थाको प्रमुख उद्देश्य विपन्न वर्गको आर्थिक उपार्जनका लागि लगानी गर्ने हो । संस्थाको पहिलो प्राथमिकतामा कृषि रहेको छ । यसबाट लाखौं घरधुरी साना किसानहरुले लाभ लिइरहेका छन् ।