काठमाडौं । वन तथा वातावरण मन्त्री ऐन बहादुर शाहीले नेपाल काठमा आत्मनिर्भर हुन खोजेको बताउनु भएको छ । सांसद सुर्य प्रसाद ढकालले बुधबार संसद्मा प्रत्येक वर्ष वनका काठहरू कुहिरहेको भन्दै सरकारको योजनाबारे प्रश्न गर्नुभएको छ । 

जवाफमा मन्त्री शाहीले ढलेका, सुकेका रुखको विषयमा चालु बजेटले सम्बोधन गरेको बताउनु भएको हो । उहाँले मन्त्रालयले कार्यदल बनाएर अध्ययन गरिरहेको भन्दै कार्यदलेको रिपोर्टपछि मन्त्रालयले कार्यान्वयन गर्ने बताउनु भएको छ ।

सरकार काठमा आत्मनिर्भर हुन खोजेको बताउँदै उहाँले नदीले बगाएको काठ निकाल्दा पनि वन कार्यालयले समात्ने गरेको प्रश्नको जवाफ दिँदै आगामी दिनमा कानुनी सुधार गर्ने बताउनुभयो ।