काठमाडौं । हाइलाइफ फुड्स चामल व्यवसायमा प्रवेश गरेको छ । बुधबार (साउन २१) काठमाडौंमा आयोजित हाइलाइफ पार्टनर मिटमा कम्पनीका अध्यक्ष अम्बिकाप्रसाद पौडेललगायत सञ्चालकले नयाँ प्रडक्टका रूपमा बासमती चामल सार्वजनिक गर्नुभएको हो ।

हाइलाइफले एक्स्ट्रा लोङ ग्रेन बासमती चामल, पुलाउ बासमती चामल र जीआई राइस बजारमा ल्याएको कम्पनीले जनाएको छ ।

लामो दाना, उत्कृष्ट स्वाद र प्राकृतिक सुगन्धले भरिएको यो चामल घरको भान्सादेखि रेस्टुरेन्टसम्मका निम्ति उपयुक्त र गुणस्तरीय विकल्पका रूपमा प्रयोग गर्न सकिने कम्पनीले जनाएको छ ।

अध्यक्ष पौडेलले भन्नुभयो, “आजसम्म हाइलाइफले एफएमसीजीअन्तर्गत विभिन्न २० वटा प्रडक्ट बजारमा ल्याएका छौँ, जसमा कुरुमकुरुम चिउरादेखि, चोकोप्लस, कन्फ्लेक्स, मसौरा, बेसन, ब्रुसली, केचप, जाम, बदाम, चियासिड्स, पेस्तालगायत प्रमुखमा पर्छन् ।”