काठमाडौं । नेपाली कांग्रेसका नेता डा.शेखर कोइरालाले सम्बन्धित मन्त्री घूस प्रकरणमा मुछिएर पदमै रहेको बेलामा भूमिसम्बन्धी केही नेपाल ऐनलाई संशोधन गर्ने विधेयक फास्ट ट्रयाकबाट पास गर्न खोज्नु शंकास्पद रहेको बताउनु भएको छ । नेता डा. कोइरालाले पोखरा जग्गा प्रकरणमा मुछिएका मन्त्री, सांसद, कर्मचारी र बिचौलिया माथि निष्पक्ष छानबिन गरी भूमि विधेयकमा समितिमा गहन छलफल गर्नुपर्ने बताउनु भएको हो । 

डा.कोइरालाले सामाजिक सञ्जालमा कांग्रेसले सरकारबाट खोजेको सुशासन यस्तो नरहेको पनि बताउनु भएको छ । ‘पोखरा जग्गा घुस प्रकरणमा जोडिएका एमालेका दुईमध्ये एक मन्त्री (भूमिसुधार) अझै राजीनामा नदिई पदमै भइरहेको स्थितिमा भूमि विधेयक फास्ट्रयाकबाट पास गरौँ भन्ने एमालेको प्रस्तावले प्रशस्त शंका उब्जाएको छ । यो अवस्थालाई दुई छुट्टाछुट्टै नै मान्न सकिन्न ।

नेपाली कांग्रेसले सरकारबाट खोजेको सुशासन यस्तो हैन,’ कोइरालाले लेख्नु भएको छ, ‘पोखरा जग्गा प्रकरणमा मुछिएका मन्त्री, सांसद, कर्मचारी र बिचौलिया माथि निष्पक्ष छानबिन गरौँ, भूमि विधेयकमा समितिमा गहन छलफल गरौँ ।’