काठमाडौं । डेढ घण्टा बित्दासम्म संसद बैठक सुरू हुन सकेको छैन । भिजिट भिसा प्रकरणमा गृहमन्त्रीको राजीनामा एवं छानबिन समितिको माग राख्दै विपक्षी दलले १० दिनदेखि सदन अवरुद्ध गरिरहेका छन् ।

अहिले थप रणनीति बनाउन प्रचण्डले विपक्षी दलको बैठक राखिरहेका छन् । माओवादी प्रमुख सचेतक हितराज पाण्डेले विपक्षीको बैठक सकिएपछि निर्णय लिएर आउने सभामुखलाई जानकारी गराएको सभामुख देवराज घिमिरेका प्रेस विज्ञ शेखर अधिकारीले जानकारी दिनुभयो ।

तर विपक्षीले असहयोग गरेपनि आजदेखि सदन सञ्चालनको तयारीमा सत्तापक्ष पुगेका छन् । निरन्तरको सदन अवरोधले बजेटमाथिको छलफल, निजामती विधेयक टेबुललगायतका कार्यसूची ओझेलमा परेको छ । आजै बिहान सभामुखसँगको छलफलपछि नेपाली कांग्रेस र एमालेमा मुख्य सचेतक श्यामकुमार घिमिरे र महेश बर्ताैलाले पनि आजदेखी प्रतिपक्षले अवरोध गरेपनि बैठक संञ्चालन हुने प्रतिक्रिया दिनुभएको छ ।