काठमाडौं । प्रमुख प्रतिपक्षी नेकपा (माओवादी केन्द्र) का उमहासचिव वर्षमान पुनले एकपछि अर्को व्यवहारले नै विचौलिया र स्वार्थ समूहले सरकार चलाएको पुष्टि भइसकेको बताउनुभएको छ । शुक्रबार प्रतिनिधिसभाको बैठकमा बोल्दै उहाँले यस्तो दाबी गर्नुभएको हो । 

१० महिनासम्म सरकारले दलाल, विचौलिया र स्वार्थ समूहको संरक्षण र प्रतिपक्षी दलका नेतासँग प्रतिशोध साँध्नेबाहेक केही नगरेको बताउँदै धितोपत्र बोर्ड र बीमा प्राधिकरणजस्ता नियामक निकायका नियुक्ति र स्वार्थ समूहले आफ्नो प्रतिनिधिलाई राष्ट्र बैंकको गभर्नरमा नियुक्तिमा गरिरहेको चलखेल घामजत्तिकै छर्लङ्ग भएको बताउनुभयो ।

अहिलेको सरकार विचौलियाले चलाएको कुराबारे जनताको घर–घरमा बहस हुन थालेको उहाँको भनाई छ ।