काठमाडौं । नेकपा माओवादी केन्द्रका अध्यक्ष पुष्पकमल दाहाल प्रचण्डले २०८१ साल नेपाली राजनीतिका लागि मिश्रित उत्साहवद्र्धक नरहेको टिप्पणी गर्नुभएको छ ।
आज चितवनमा सञ्चारकर्मीले सोधेको प्रश्नको जवाफ दिँदै पूर्व प्रधानमन्त्री समेत रहेका प्रचण्डले १०८१ सालमा केही सकारात्मक र केही नकारात्मक कामहरु भएको बताउनुभयो । राजनीतिक दलहरूलाई राम्रो काम गर्न २०८१ ले ०८२ लाई आधार दिएको बताउँदै उहाँले नयाँ वर्षमा आफुले सरकारतिर ध्यान नभएको बताउनुभयो ।

‘नयाँ सरकारतिर हाम्रो त्यति ध्यान छैन तर परिस्थिति यस्तो बन्दैछ कि यो सरकार अगाडि जान सहज छैनन् भन्ने कुरा पनि देखिइरहेको छ’, प्रचण्डको भनाइ छ । उहाँले चौतर्फी असन्तुष्टि र आक्रोश बढेको भन्दै शिक्षकहरू, डाक्टर, लघुवित्त पीडित, सहकारी पीडितहरू आन्दोलनमा रहेको भन्दै सबै राजनीतिक दलहरू पनि झन्डै झन्डै सडकमै रहेको पनि बताउनुभयो ।

परिस्थिति निकै गम्भीर र पेचिलो बनेकाले नयाँ वर्षले केही न केही निकास लिएर आउँनेमा आफु विशवस्त रहेको समेत बताउनुभयो ।