२०८३, भाद्र ८ गते
- यो साता चर्चामा :
काठमाडौं । बेलायती सञ्चारमाध्यम बिबिसीले प्रत्येक वर्ष प्रकाशित गर्ने सय महिलाको सूचीमा नेपालकी सपना रोका मगर पनि परेकी छिन ।
बिबिसीले सय महिला कार्यक्रम शृङ्खलाअन्तर्गत प्रकाशित गर्ने प्रभावशाली र प्रेरणादायी महिलाहरुको सूचीमा सपना परेकी हुन् । बिबिसीले सन् २०१३ देखि यस्तो सूची प्रकाशित गर्दै आएको छ ।
म्याग्दीकी सपनाले बेवारिसे शवको व्यवस्थापन गर्दै आएकी छिन् । सपनाले अहिलेसम्म करिब तीन सय बेवारिसे शवको व्यवस्थापन गरिसकेकी छिन् ।
सडकमै अलपत्र अवस्थामा परेका शव अस्पताल लगेर पोस्टमर्टम गर्नेदेखि पशुपति आर्यघाट लगेर संस्कारअनुसार अन्त्येष्टि गराउने काममा सपना निरन्तर खट्दै आएकी छिन् ।
