२०८३, भाद्र ८ गते
- यो साता चर्चामा :
काठमाडौं । सत्तारूढ नेपाल कम्युनिष्ट पार्टी (नेकपा)का अध्यक्ष पुष्पकमल दाहाल प्रचण्ड र नेपालका लागि चिनियाँ राजदूत हाउ यान्छीबीच भेटवार्ता भएको छ । प्रचण्डलाई भेट्न राजदूत यान्छी आज बिहान खुमलटार पुगेकी थिइन् ।
भेटमा नेपाल–चीन सम्बन्ध र दुई देशका पार्टीबीचको सहकार्यका विषयमा छलफल भएको प्रचण्डको सचिवालयले जनाएको छ । भेटमा यान्छीले प्रचण्डलाई चिनियाँ राष्ट्रपति सिझिङपिङको किताब उपहार दिएकी छिन् ।
नेकपाभित्र शक्ति संघर्ष बढिरहेका बेला अध्यक्ष प्रचण्ड र राजदूत यान्छीबीच भेट भएको हो । त्यसैले यस भेटलाई अर्थपूर्ण रूपमा हेरिएको छ । चीनबाट हुन लागेको उच्चस्तरीय राजनीतिक भ्रमणका विषयमा पनि उनीहरूबीच कुराकानी भएको बताइएको छ । चीनका स्टेट काउन्सिलर तथा रक्षामन्त्री जनरल वेई फेङ्हे यही १४ मंसिरमा नेपाल भ्रमणमा आउँदैछन् ।
प्रमुख प्रतिपक्षी नेपली कांग्रेसका नेता चन्द्र भण्डारीले नेपाल भारत सम्बन्ध सांस्कृतिक, धार्मिक र व्यवहारिक रुपमा अत्यन्त मजबुत भए पनि भारतले गरेका नाकाबन्दी र सीमा विवाद जस्ता विषयले सम्बन्ध प्रभावित भएको बताउनुभएको छ ।
उहाँले नेपालमा मात्र नभएर चिनियाँ राजनीतिको प्रभाव विश्वभरी पर्दै गएको स्पष्ट पार्नुभयो । नेकपा विवाद उत्कर्षमा पुगेका बेला भारत र चीनको सक्रियता बढेको प्रष्ट देखिएकाले नेपालले आफ्नै भूमिबाट निर्णय लिनुपर्ने भण्डारीले उल्लेख गर्नुभयो ।
नेकपा विवादकैबीच यसअघि २ मंसिर साँझ राजदूत यान्छीले नेकपाका अर्का अध्यक्ष एवं प्रधानमन्त्री केपी शर्मा ओलीसँग भेटेकी थिइन् । उनले नेकपा सचिवालय बैठकको अघिल्लो दिन ओलीलाई बालुवाटार पुगेर भेटेकी हुन् ।
नेपाली राजनीतिमा विदेशी हस्तक्षेप आवश्यकताभन्दा धेरै हुन थालेकाले चिनियाँ राजदूत याङ्छीको प्रवेशलाई त्यहीरुपमा हेर्दा अन्यथा नहुने राजनीति विश्लेषक प्राडा सुरेन्द्र केसी बताउनुहुन्छ ।
यसैबीच, भारतीय विदेश सचिव हर्षवर्द्धन श्रींगलाले आगामी पनि मंसिर ११ गते नेपाल आउने भएका छन् । उनी दुई दिने भ्रमणका लागि आउन लागेको परराष्ट्र मन्त्रालयले जनाएको छ ।
नेपालको परराष्ट्र मन्त्रालय र भारतीय विदेश मन्त्रालयले आज एकै समयमा श्रींगलाको नेपाल भ्रमणको मिति सार्वजनिक गरेका हुन् ।
