काठमाडौं । प्रधानमन्त्री निवास बालुवाटारमा बसेको सत्ताधारी दलहरूको बैठक विनानिष्कर्ष टुंगिएको छ ।

आज दिउँसो बसेको बैठकमा जनता समाजवादी पार्टी (जसपा) नेपालका अध्यक्ष उपेन्द्र यादव सहभागी नभएपछि बैठक निष्कर्षबिहीन भएको नागरिक उन्मुक्ति पार्टीकी अध्यक्ष रञ्जिता श्रेष्ठले जानकारी दिनुभयो । कार्यव्यस्ताका कारण जसपा अध्यक्ष अनुपस्थित भएपछि बैठक कुनै एजेण्डामा प्रवेश नगरी सकिएको श्रेष्ठले बताउनुभयो ।

सोमबार बसेको मन्त्रिपरिषद् बैठकले नेपाल विद्युत प्राधिकरणका कार्यकारी निर्देशक कुलमान घिसिङलाई बर्खास्त गरेकोमा चौतर्फी विरोध भइरहेको बेला प्रधानमन्त्री केपी ओलीले सत्ता पक्षीय दलहरूको बैठक बोलाउनु भएको हो ।