काठमाडौं । नेपाली कांग्रेसका नेता विमलेन्द्र निधिले नेपालमा अब कुनै हालतमा राजतन्त्र नफर्किने दाबी गर्नुभएको छ । प्रतिनिधिसभाको आज बसेको बैठकमा बोल्दै सांसद निधिले जनताले राजतन्त्र नचाहेको बताउनुभयो ।

नेता निधिले गणतन्त्रको रक्षाको लागि जे पनि गर्न दलहरू तयार रहेको कुरा हेक्का राख्न पनि पूर्वराजा ज्ञानेन्द्र शाहलाई चेतावनी दिनुभयो । उहाँले राजतन्त्र अन्त्य हुँदा राजाहरूको हालत एकदमै खराब हुने इतिहास भए पनि नेपालमा जनताले धैर्यता देखाएको बताउनुभयो । पूर्वराजा ज्ञानेन्द्रलाई धैर्यता र सीमा पार नगर्न चेतावनी दिनुभएको छ ।