काठमाडौं। नेकपा (माओवादी केन्द्र)ले कुनैपनि हालतमा राजतन्त्र नफर्किने दाबी गरेको छ। माओवादी नेता तथा पूर्वमन्त्री सुदन किरातीले नेपालमा राजतन्त्र फर्कने कुनै सम्भावना नभएको ठोकुवा गर्नुभएको हो ।

नेपाली रेडियो नेटवर्कको कार्यक्रम नेपाली बहसमा पत्रकार ऋषी धमलासँगको कुराकानीका क्रममा नेता किरातीले दरबार हत्याकाण्डमा वीरेन्द्रको वंशनास भएपछि नै नेपालमा राजतन्त्र औपचारिक रुपमै समाप्त भएको जिकिर गर्नुभयो ।

उहाँँले आफूले ज्ञानेन्द्र शाहलाई राजा वा पूर्वराजा नभन्ने र सिधै ज्ञानेन्द्र शाहमात्रै भन्ने बताउनुभयो। उहाँले गणतन्त्रको विकल्प राजतन्त्र हुनै नसक्ने ठोकुवा गर्नुभयो । यद्यपी गणतन्त्रवादीहरुकै कारणले देशमा अहिलेको अवस्था आएको तर्क गर्दै उहाँले गहिरो समिक्षा गर्नुपर्ने आवश्यकत्ता भने रहेको औंल्याउनुभयो ।