काठमाडौं । प्रतिनिधिसभाको बैठक आज पनि बस्दै छ ।

बैठक दिउँसो १ बजे बस्ने प्रतिनिधिसभामा उद्योग,वाणिज्य तथा आपूर्तिमन्त्री दामोदर भण्डारीले निकासी पैठारी (नियमन) विधेयक, २०८१ छलफलका लागि प्रस्ताव प्रस्तुत गर्ने सम्भावित कार्यसूची रहेको छ ।

यसअघि हिजोको बैठकमा सरकारले संसद्को अधिवेशन नचलेका बेला ल्याएका ६ मध्ये ५ वटा अध्यादेश प्रतिनिधिसभाबाट स्वीकृत भएका छन् ।

भूमिसम्बन्धी अध्यादेशमा सरकारलाई समर्थन गर्ने दलसमेत विपक्षमा उभिएपछि सरकारले अरू ५ वटा अध्यादेशमात्रै अघि बढाएको हो ।

प्रतिनिधिसभाले स्वीकृत गरेका ५ वटै अध्यादेशलाई आज राष्ट्रियसभामा अघि बढाउने सरकारको तयारी छ ।