काठमाडौं । नेकपा एकीकृत समाजवादी नेकपा एसको केन्द्रीय कमिटी बैठक सकिएको छ ।

ललितपुरको जावलाखेलको दुई दिनसम्म बसेको बैठकमा अध्यक्ष माधव नेपाल र महासचिव घनश्याम भुसालले पेस गरेका आन्दोलनद्वारा पार्टी निर्माणसहितका प्रस्ताव पारित गर्दै बैठक शनिबार राति सकिएको प्रचार विभाग उपप्रमुख दामोदर अर्यालले जानकारी दिनुभयो ।

अर्यालका अनुसार अध्यक्ष नेपालको राजनीतिक प्रतिवेदन, नियमावली निर्देशिका, आचारसंहिता, दशौँ राष्ट्रिय महाधिवेशनको विवरणात्मक समिक्षा, अध्यादेश र महासचिव भुसालको आन्दोलनका तत्कालिक योजनालगायतका प्रस्ताव सुझावसहित बैठकले पारित गरेको हो ।

बैठकमा उठेका प्रस्नहरुलाई समेत समेटेर सचिवाल बैठकले ती प्रस्तावहरुलाई पूर्णता दिइनेछ । बैठकका निर्णय सार्वजनिक गर्न सोमबार दिउँसो १ बजे पत्रकार सम्मेलन गरिने नेता अर्यालले जानकारी दिनुभयो ।