काठमाडौं । पूर्वप्रधानमन्त्री एवम् नेपाली कांग्रेसका सभापति शेरबहादुर देउवा छिमेकी मुलुक भारत जानु हुने भएको छ । भारतको उत्तर प्रदेश राज्यमा पर्ने प्रयागराजमा भइरहेको महाकुम्भको अवसर पारेर उहाँ भोली विहीबार भारत जान लाग्नुभएको हो ।

सभापति देउवालाई इन्डिया फाउन्डेसनले ‘कुम्भ ग्लोबल समिट अन डेभलपमेन्ट एण्ड सस्टेइनबेलिटी’ कार्यक्रममा वक्ताको रूपमा आमन्त्रण गरेको छ । सोही कार्यक्रममा सहभागी हुन उहाँ प्रयागराज जान लागेको जनाइएको छ ।

इन्डिया फाउन्डेसनको आयोजनामा आगामी शुक्रबार र शनिबार आयोजना हुने कार्यक्रममा उत्तर प्रदेशका मुख्यमन्त्री योगी आदित्यनाथ पनि सहभागी हुने बताइएको छ ।