काठमाडौं । प्रतिनिधि सभा अन्तर्गतको राज्य व्यवस्था तथा सुशासन समितिको बैठक फेरी स्थगित भएको छ । आज बस्ने भनिएको बैठक पनि अन्तिम समयमा आएर स्थगित भएसँगै तेस्रो पटक बैठक स्थगित भएको हो ।

यसअघि माघ ९ गते र १४ गतेका लागि पनि बैठक बोलाइएको थियो । ती दुबै बैठक स्थगित भएपछि आज बैठक बोलाइएको थियो । तर आजबो बैठक पनि स्थगित भएको छ ।

संघीय निजामती सेवाको गठन, सञ्चालन र सेवाका सर्त सम्बन्धमा व्यवस्था गर्न बनेको विधेयक माथि दफावार गर्ने गरी बोलाएका पछिल्ला तीन वटा बैठक लगातार स्थगित भएका हुन् ।