काठमाडौं । जनता समाजवादी पार्टी (जसपा) को केन्द्रीय समिति बैठक सुरु भएको छ । शनिबार पर्साको वीरगञ्जमा केन्द्रीय अध्यक्ष अशोककुमार राईको अध्यक्षतामा केन्द्रीय समितिको बैठक बसेको छ ।

बैठकमा विभिन्न राजनीतिक, सङ्गठनात्मक तथा समसामयिक विषयहरूमा छलफल गर्नुका साथै, पार्टीको भावी रणनीति र मधेशका मुद्दासम्बन्धी विषयमा विशेष छलफल हुने पार्टीका उप–महासचिव एवं संघीय खानेपानीमन्त्री प्रदीप यादवले बताउनुभयो । बैठक आज र भोलि गरी दुई दिनसम्म सञ्चालन हुने जनता समाजवादी पार्टी (जसपा) ले जनाएको छ।