काठमाडौं। यही मंसिर १६ गते हुने स्थानीय तह उपनिर्वाचनका निम्ति मतपत्र छपाइ कार्य सम्पन्न भएको निर्वाचन आयोगले जनाएको छ।अब मतपत्र ढुवानी गर्न थालिएको आयोगका प्रवक्ता नीता पोखरेल अर्यालले जानकारी दिनुभयो।

समयमै निर्वाचन अधिकृतको कार्यालयमा मतपत्र पु¥याइने उहाँले उल्लेख गर्नुभएयो। “छपाइ सकिएको छ। कतिपय ठाउँमा पठाइसकेका छौँ, कतिपय पठाउने क्रममा छौँ,” उहाँले भन्नुभयो। “सबै ठाउँमा समयमै मतपत्र पुर्याउछौ ।”

४२ स्थानमा हुन लागेको उपनिर्वाचनका निम्ति दुई लाख २६ हजार ७९९ मतदाता छन् । त्यसका लागि दुई लाख ५९ हजार मतपत्र छापिएको आयोगले जनाएको छ ।