काठमाडौं। सेयर बजार परिसूचक नेप्से आज २०.४१ अंकले घटेर बन्द भएको छ। आज नेप्से परिसूचक ०.७६ प्रतिशत घटेर २,६४५.३९ विन्दुमा बन्द भएको छ।

नेप्से घटे पनि कारोबार रकममा वृद्धि भएको छ। आज ६ अर्ब २७ करोड ८९ लाख रुपैयाँको सेयर कारोबार भएको छ। हिजो चार अर्ब १७ करोड १६ लाख रुपैयाँको सेयर कारोबार भएको थियो।

आज कारोबारमा आएका १३ समूहगत परिसूचकमध्ये फाइनान्स र व्यापार समूहको परिसूचक वृद्धि भएको छ। बाँकी सबै समूहको परिसूचक घटेको छ।

फाइनान्स समूहको परिसूचक २.३२ प्रतिशतले वृद्धि भएको छ भने व्यापार समूहको परिसूचक ०.२५ प्रतिशतले बढेको छ। आज ७६ कम्पनीको सेयर मूल्य बढेको छ भने १५५ कम्पनीको सेयर मूल्य घटेको छ। १३ कम्पनीको सेयर मूल्य भने स्थिर छ।