२०८३, भाद्र १८ गते
- यो साता चर्चामा :
काठमाडौं । नेकपा एमालेका अध्यक्ष केपी शर्मा ओलीले कांग्रेसले आफूलाई सम्हाल्नुपर्ने बताउनुभएको छ ।
मंगलबार विराटनगर विमानस्थलमा पत्रकारहरुसँग कुरा गर्दै ओलीले कांग्रेसले आफूले भनेजस्तो नै हुनुपर्छ भन्ने अडान राख्न नहुने बताउनुभयो ।
‘कांग्रेसले आफूलाई सम्हाल्नुपर्यो कांग्रेसले आफूलाई सम्हालेर लोकतान्त्रिक अभ्यास मूल्य मान्यतामा आउनुपर्यो’, उहाँले भन्नुभयो ।
त्यसो भए घेराउकै बीच बजेट ल्याउने हो भन्ने प्रश्नमा ओलीले यसअघि पनि त्यसरी बजेट आएको बताउनुभयो । ‘घेराउका बीच बजेट आएका छैनन् ? हामीले १२ पल्ट घेराउ गर्दागर्दै बजेट आएको देख्नुभएको थिएन ?’, ओलीले प्रश्न गर्नुभयो ।
५ जेठमा शीर्ष नेताहरुबीच भएको सहमति अनुसार सहकारीको बचत अपचलनमा छानबिन समिति बन्न सक्ने ओलीले बताउनुभयो ।
