२०८३, भाद्र १९ गते
- यो साता चर्चामा :
काठमाडौं । प्रधानमन्त्री पुष्पकमल दाहाल प्रचण्डले प्रमुख प्रतिपक्षी दल नेपाली कांग्रेससँग छलफल गर्दै हुनुहुन्छ । प्रधानमन्त्री प्रचण्डले हिजो साँझ नै विपक्षी दलका नेताहरूसँग छलफल गर्ने तयारी गरेपनि अन्तिम समयमा स्थगित भएको थियो ।
आज प्रधानमन्त्री र कांग्रेसका सभापति शेरबहादुर देउवासहित शीर्ष नेताहरूबीच संसदमा अवरोध खुलाउने विषयमा प्रधानमन्त्री निवास बालुवाटार छलफल हुने भएको हो ।
कांग्रेस प्रमुख सचेतक रमेश लेखकले नेताहरूको आन्तरिक व्यस्तताका कारण शुक्रबार बेलुका छलफल हुन नसकेको बताउनुभयो । उहाँका अनुसार अहिलेकेहिबेरमा प्रधानमन्त्रीसँग भेटघाटको समय तय भएको छ ।
कांग्रेसले उपप्रधानमन्त्री एवम् गृहमन्त्री रवि लामिछानेमाथि सहकारी ठगी प्रकरणमा संसदीय छानबिन समिति गठन गर्नुपर्ने माग गर्दै संसद्मा अवरोध गर्दै आएको छ ।
