काठमाडौँ । नेपाली कांग्रेसका सांसद दीपक खड्काले आफू निदोष रहेको बताउनुभएको छ ।

पत्रकार सम्मेलन गर्दै सांसद खड्काले स्काउटको जग्गामा बनाएको पार्टी प्यालेस लगायत सटरमा ताला लगाएर व्यवसायीहरूलाई आतङ्कित बनाएको आरोप लगाउँदै यो प्रकरणमा आफू निदोर्ष रहेको दाबी गर्नुभएको छ ।

बिहीबार सरकारले १५ वर्षदेखि कब्जा गरेको भन्दै लैनचौरस्थित स्काउटको जग्गा र भवनमा जिल्ला प्रशासन कार्यालय काठमाडौँले सिल गरी नियन्त्रणमा लिएको थियो । तर सांसद खड्काले स्काउटको जग्गा आफूले नहडपेको दाबी गर्नुभएको छ । यस्तै उहाँ आफू खड्काल्याण्ड डेभलपमेण्ट प्रालिमा विगत दुई वर्षदेखि आबद्ध नरहेको भन्दै राजनीतिक प्रतिशोध साध्न राज्य लागेको आरोप पनि लगाउनुभएको छ ।

उहाँले स्काउटको जग्गा लिजमा लिएर व्यापारिक प्रयोजनका लागि अन्य व्यावसायिक संस्थाहरूलाई भाडामा लगाएको स्वीकार गर्दै स्काउटको भुक्तानी हिसाब गरेर तिर्न तयार रहेको बताउनुभयो । १५ वर्षअघि स्काउटले सटर बनाउन लिएको ऋण तिर्न नसक्दा आफूले जग्गा लिजमा लिएर सहयोग गरेको उहाँको भनाइ छ ।