२०८३, भाद्र १९ गते
- यो साता चर्चामा :
काठमाडौं । लुम्बिनी प्रदेशका नवनियुक्त मुख्यमन्त्री जोखबहादुर महराले आज विश्वासको मत लिनुहुने भएको छ । त्यसका लागि आज दिउँसो १ बजे प्रदेश सभाको बैठक बस्दै छ ।
नेकपा माओवादी केन्द्रका नेता महरा यही चैत २३ गते मुख्यमन्त्रीमा नियुक्त हुनुभएको थियो ।
मुख्यमन्त्री महराले एमालेबाट चेतनारायण आचार्य, जनता समाजवादीबाट भण्डारीलाल अहिर र माओवादीबाट दीपेन्द्र पुनलाई विनाविभागीय मन्त्री नियुक्त गर्नुभएको थियो ।
आज विश्वासको मत लिएपछि मात्र मन्त्रीहरुको जिम्मेवारी तोक्ने र मन्त्रिपरिषद विस्तार गर्ने योजना रहेको मुख्यमन्त्री महराको सचिवालयले जनाएको छ ।
