काठमाडौं । नेपाल टेलिभिजन प्लस मार्फत प्रसारण भैरहेको हाँस्य टेलिसिरियल ‘अति भो’ले दर्शकको मन जित्दै गएको छ । हरेक साताको शनिबार राति ९ बजे नेपाल टलिभिजन मार्फत प्रसारण हुँदै आएको हाँस्य टेलिसिरियलमा अहिलेका चर्चित कलाकारहरुको अभिनय रहेको छ ।

कमेडी च्याम्पियन मार्फत चर्चामा आउन सफल कमेडियन खड्ग बहादुर पुन (खबपु) र अहिलेकी ब्यस्त कलाकार रियासा दाहालले यसै सिरियल मार्फत पहिलो पटक स्क्रिन शेयर गरेका छन् ।

हरेक शनिबार राती ९ बजे नेपाल टेलिभिजन प्लस र मिडिया हब युट्युब च्यानलमा साँढे ९ बजे प्रसारण भइरहेको सिरियलमा खबपु र रियासा बाहेक सुरज खनाल, तिलक कोइराला, चन्द्र पाण्डे, शर्मिला शर्मा, रिता सिवाकोटी, श्रीना नेपाल, पूजा सिलवाल आदि र बालकलाकार सुयशा खनालको अभिनय रहेको छ ।

समसामयिक तथा सामाजिक बिषयमा ब्यङ्ग्य प्रहार गरी सन्देश प्रवाह गर्नु सिरियलको मुख्य उद्देश्य रहेको यसका निर्देशकद्वय सुरज र तिलक बताउँछन् । दिलिप बिष्टको छायाँकंन रहेको ‘अति भो’का लेखक तथा सिरियल निर्देशक सन्तोष खनाल रहेका छन् ।

हेर्नुस् भिडियो