काठमाडौं । नेकपा एमालेका नेता विष्णु रिजालले अहिलेको स्वार्थको गठबन्धनमा संकट गहिरिँदै गइरहेको बताउनुभएको छ । नेपाली रेडियो नेटवर्कको नेपाली बहसमा पत्रकार ऋषि धमलासँग कुरा गर्दै नेता रिजालले सत्ताधारी अकमण्र्य हुँदै गइरहेको आरोप लागउँदै यसको विरुद्ध तत्काल अवाञ्छित गठबन्धन बनाउने आफूहरुको कुनै योजना नभएको स्पष्ट पार्नुभयो ।

अहिलेको सरकार ढाल्ने खेलमा एमाले नरहेको पनि नेता रिजालले दावी गर्नुभएको छ । सत्तातर्फ आफूहरुले कुनै पनि ध्यान नदिएको बताउँदै उहाँले यतिबेला आफ्ना कार्यक्रमहरु लिएर जनतामाझ गएको बताउनुभयो ।

पार्टीको प्रशिक्षण सञ्चालन गर्ने, आन्तरिक कामहरु सम्पन्न गर्ने र जनताका मुद्दाहरुलाई संसदमा उठाउने, जनसंगठमार्फत सडकमा उठाउने र सरकारका गलत कामहरुविरुद्ध आफूलाई केन्द्रित गर्ने अभियानमा रहेको स्पष्ट पार्नुभयो ।

एमालेले अवाञ्छित ढंगले सत्ता प्राप्ती गर्ने र सोहि अनुसार अगाडि बढ्ने कुनै पनि सोच नबनाएको बताउनुभयो ।