२०८३, भाद्र ८ गते
- यो साता चर्चामा :
काठमाडौं । संविधानविद् डा. युवराज संग्रौलाले वर्तमान संविधान बनाउँदा गल्ती भएको बताउनुभएको छ ।
नेपाली रेडयो नेटवर्कको नेपाली बहसमा पत्रकार ऋषि धमलासँग कुरा गर्दै संग्रौलाले संविधान निर्माणमा भएका गलतीको जिम्मेवारी संविधान निर्माताले नै लिनुपर्नेमा जोड दिनुभयो ।
यस्तै संग्रौलाले प्रतिनिधिसभा भौगोलिक प्रतिनिधित्वमा सीमित भएको र सबै वर्ग, व्यवसाय, सम्प्रदाय र बौद्धिक प्रतिनिधित्व नभएको औँल्याउनुभयो ।
प्रतिनिधिसभाले बनाएको कानुन महँगो भएको बताउँदै उहाँले एउटा कानुन बनाउन एक अर्बसम्म खर्च गर्ने प्रवृतिको दोषी दलहरु नभएर संविधान निर्माताको भएको तर्क गर्नुभएको छ ।
राजनीतिक दलहरुले न्यायपालिका र नागरिक समाजलाई थङथिलो पारेको समेत उहाँको आोप छ । वर्तमान संविधानमा केही कुरामा संशोधन, केही कुरामा परिमार्जन र केहीमा भाषाको फेरबदल आवश्यक रहेको पनि संग्रौलाले स्पष्ट पार्नुभयो ।
