काठमाडौं । इण्डियन प्रिमियर लिग (आइपिएल)को आजकोे पहिलो खेलमा राजस्थान रोयल्सले रोयल च्यालेन्जर्स बैंगलोरलाई १५५ रनको लक्ष्य दिएको छ ।

युएईको अबुधावीमा भएको खेलमा टस जितेर ब्याटिङ गरेकोे राजस्थानले निर्धारित २० ओभरमा ६ विकेटको क्षतिमा १५४ रन बनाएको हो ।

राजस्थानका लागि जोस बटलरले २२, रोविन उथप्पाले १७, महिपाल लोम्रोरले ४७, रियान परागले १६, राहुल टेवटियाले २४ र जोफ्रा आर्चरले १६ रन जोडेका थिए ।

बलिङतर्फ विराट कोहलीको कप्तानीमा रहेको बैंगलोरका युवेन्द्र चाहलले तीन, इसुरु उडानाले २ र नवदीप सैनीले एक विकेट लिएका छन् ।
यसैबीच, बैंगलोर अहिले ब्याटिङ गरिहेको छ । उसले तीन ओभरमा एक विकेट गुमाएर २७ रन बनाएको छ ।