काठमाडौ । प्रधानमन्त्री केपी शर्मा ओलीको कोरोना परीक्षण रिपोर्ट नेगेटिभ आएको छ । बिहीबार गरिएको परीक्षणमा उहाँको रिपोर्ट नेगेटिभ आएको बालुवाटार स्रोतले जनाएको छ ।

स्रोतका अनुसार प्रधानमन्त्री ओलीकी पत्नी राधिका शाक्यको कोरोना रिपोर्ट पनि नेगेटिभ आएको छ ।

यद्यपि, प्रधानमन्त्रीका प्रमुख सल्लाहकार विष्णु रिमाल, प्रेस सल्लाहकार सूर्य थापा र परराष्ट्र सल्लाहकार डा. राजन भट्टराईलाई भने कोरोना भाइरस संक्रमण पुष्टि भएको छ । साथै, प्रमुख स्वकीय सचिव इन्द्र भण्डारीलाई पनि संक्रमण देखिएको छ ।