काठमाडौं । प्रदेश –५ को स्थायी राजधानी र नामाकरणसम्बन्धि प्रस्ताव आज प्रदेश सभामा पेश भएको छ । प्रदेश सभाको बैठकमा आन्तरिक मामिला तथा कानुनमन्त्री कुलप्रसाद केसीले प्रदेशको स्थायी राजधानी दाङको भालुवाङ र प्रदेशको नाम लुम्बिनी राख्न प्रस्ताव गर्नुभएको हो ।

नेपाल कम्युनिस्ट पार्टी (नेकपा)का शीर्ष तहमा सहमति भएलगत्तै प्रदेश सरकारको मन्त्रिपरिषदले दाङको भालुवाङ बजारलाई केन्द्रमा राखेर राप्ती, गढवा र अर्घाखाँचीको शीतगंगा गाउँपालिकालाई जोडेर प्रदेश राजधानी बनाउने निर्णय गरेको हो ।

यसअघि, नेकपाका दुई अध्यक्ष केपी शर्मा ओली र पुष्पकमल दाहालले नै भालुवाङ राजधानी बनाउन लिखितरुपमा प्रदेश सरकारलाई निर्देशन दिएको स्रोतको दाबी छ ।