काठमाडौं। झापामा छिमेकीको घरमा न्वारानको भोज खाएका २७ जना अस्पताल भर्ना भएका छन्।गत सोमबार मेची नगर नगरपालिका ९ माथिल्लो मागुरमाडीमा गोविन्द श्रेष्ठको घरमा न्वारानको भोज खाएका अधिकांश स्थानीयहरु बिरामी परेका हुन्।

श्रेष्ठको नातिको न्वारानमा भोज खान गएका अधिकांश स्थानीयको स्वास्थ्यमा समस्या देखिएपछि मेची आम्दा अस्पतालमा उपचार भइरहेको छ।

भोजमा रहेको परिकारमा अखाद्य पदार्थ मिसावट हुँदा स्थानीय बिरामी भएको हुनसक्ने अस्पतालले जनाएको छ।बिरामीहरुमा बान्ता हुने, ज्वरो आउने तथा पखाला चल्ने समस्या देखिएपछि २७ जनालाई अस्पताल भर्ना गरेर उपचार गरिँदै छ।