२०८३, भाद्र ७ गते
- यो साता चर्चामा :
काठमाडौं । नागरिकता सम्बन्धी विधेयक प्रमाणीकरण गरेर राष्ट्रपति रामचन्द्र पौडेलले संसदको अधिकार खोस्ने काम गरेको नेकपा एमालेका सचिव योगेश भट्टराईले बताउनुभएको छ ।
अघिल्लो कार्यकालको संसदमा उत्पत्ति भएका विधेयक त्यही कार्यकालसँगै निष्क्रिय हुने भएकाले राष्ट्रपतिले संविधानकै उल्लङ्घन गरेको भट्टराईले बताउनुभयो ।
नागरिकता जस्तो संवेदनशील विषयमा सहमतिको आधारमा अगाडि बढाइनुपर्ने भट्टराई बताउनुहुन्छ। ‘नागरिकता संवेदनशील विषय हो, त्यसैले राष्ट्रिय सहमति हुनुपर्थ्यो’ भट्टराई भन्छन् ।
तर राष्ट्रपति पौडेललाई राष्ट्रलाई दुई ध्रुवमा विभाजित गरेको आरोप भट्टराईले लगाउनुभयो। ‘संविधानको धारा ६१ र ६६ बमोजिम प्रमाणीकरण भनेर राष्ट्रपतिबाट संविधानको उल्लङ्घन समेत भएको छ’, सचिव भट्टराईले भन्नुभयो ।’
प्रधानमन्त्री पुष्पकमल दाहाल प्रचण्ड भारत भ्रमणमा निस्कने दिन प्रमाणीकरण हुनुले अर्को आशंका सिर्जना भएको भट्टराईले बताउनुभयो ।
