२०८३, भाद्र ७ गते
- यो साता चर्चामा :
एजेन्सी । अफगानिस्तानको पूर्वी लोगार प्रान्तमा प्रहरी कारबाहीमा २५ जना आतंककारीको मृत्यु भएको अफगानी प्रहरीले जनाएको छ । पछिल्लो २४ घण्टामा प्रहरीसँगको भिडन्तमा अरु १८ जना पनि घाइते भएका छन् ।
हतियारधारी समूहले बाराकी बाराक जिल्लाको प्रहरी जाँच चौकीमा आक्रमण गरेपछि आफूहरुले जवाफी कारबाही गरेको प्रहरी अधिकारीहरुको भनाइ छ ।
प्रहरीले विद्रोहीबाट हातहतियार पनि बरामद गरेको प्रान्तीय प्रहरी प्रवक्ता शापूर अहमदजाईले बताएका छन् । अफगानिस्तानको मुख्य विद्रोही समूह तालिबानले भने उक्त घटनाबारे कुनै प्रतिक्रिया दिएको छैन ।
