काठमाडौं । नेकपा एमाले संसदीय दलका नेता केपी शर्मा ओलीले प्रमुख सचेतकमा पदम गिरीलाई मनोनीत गर्नुभएको छ । एमालेले निर्वाचन सम्पन्न भएको झण्डै चार महिनामा प्रमुख सचेतक मनोनीत गरेको हो ।
एमाले अध्यक्ष तथा संसदीय दलका नेता ओलीले गिरीलाई आइतबार(आज) प्रमुख सचेतकमा मनोनीत गरेको पत्र दिनुभएको भएको हो।
पर्वतबाट निर्वाचित गिरी प्रचण्ड नेतृत्वको सरकारमा स्वास्थ्य मन्त्री बन्नुभएको थियो । एमालेले संसदीय दलको उपनेता भने अझैसम्म कसैलाई तोकेको छैन ।
