काठमाडौं। यमनमा डुंगा दुर्घटनामा परेर कम्तीमा २१ जनाको ज्यान गएको छ। उत्तरी यमनको नगर होदिदाह्नजिकैको समुद्रमा डुंगा डुबेको बताइएको छ।

डुंगामा सवार २७ यात्रुमध्ये २१ जनाको ज्यान गएको हो । मृत्यु हुनेमा अधिकांश महिला र बालबालिका परेका पनि सो समाचारमा जनाइएको छ।

आफन्तको विवाह समारोहमा सहभागी भएर घर फर्किँदै गरेका स्थानीय नागरिक चढेको डुंगा डुबेको हो। प्रहरीका अनुसार मृत्यु हुनेमा १२ महिला र छ जना बालबालिका थिए। डुंगा डुबेपछि छ जनालाई जिवितै उद्धार गरेर अस्पताल पुर्‍याइएको छ।