काठमाडौं । डडेल्धुराको परशुराम नगरपालिका–३ मट्यौलामा सोमबार(आज) दिउँसो जीप दुर्घटना भएको छ।
म १ ज २३८ नम्बरको जीप दुर्घटना एक जनाको घटनास्थलमै मृत्यु भएको छ। भागेश्वर गाउँपालिका–२ का ५० वर्षीय बाशु तिरुवाको मृत्यु भएको हो।
जीपमा चालकसहित ११ जना यात्रु सवार थिए। केही यात्रु सामान्य घाइते छन्। इलाका प्रहरी कार्यालय जोगबुढाका अनुसार सडकमा ब्याक गर्ने क्रममा जीप दुर्घटना भएको थियो। जीपमा च्यापिएर तिरुवाको मृत्यु भएको हो।
