काठमाडौं । नेपाल पत्रकार महासङ्घ रासस प्रतिष्ठान शाखाले यस वर्षको रासस पत्रकारिता पुरस्कार अङ्ग्रेजी सम्पादन शाखाका वरिष्ठ सम्पादक कृष्णप्रसाद सापकोटालाई प्रदान गरेको छ । राससको वार्षिकोत्सवका अवसरमा हिजो फाल्गुन ७ गते उहाँलाई सो पुरस्कार प्रदान गरिएको थियो ।
डेढ दशकभन्दा बढी समयदेखि अङ्ग्रेजी सम्पादनमा रही राससको उन्नयनमा उल्लेखनीय योगदान गरेको भन्दै वरिष्ठ सम्पादक सापकोटालाई शाखाले उक्त पुरस्कारमा प्रदान गर्ने निर्णय गरेको शाखाका अध्यक्ष पवित्रा गुरागाईंले जानकारी दिनुभयो ।
गैंडाकोट— ८, नवलपुर निवासी सापकोटा स्थानीय सामाजिक विकास संस्था विजय विकास श्रोत केन्द्र नेपाल लगायतका संस्थामा आबद्ध रहनुभएको छ । पत्रकार सापकोटा विगत डेढ दशकदेखि विचार तथा अभिव्यक्ति स्वतन्त्रता, सूचनाको हक र खुला सरकार सहकार्य प्रवर्धनको अभियानमा पनि संलग्न हुनुहुन्छ ।