काठमाडौं । कांग्रेस महामन्त्री डा शशांक कोइरालाले तीन दिनपछि अस्पतालबाट आफु डिस्चार्ज हुने बताउनुभएको छ । कोरोना संक्रमणबाट होम आइसोलेसनमा रहनुभएका कोइरालालाई ज्वरो आएपछि मंगलबार साँझ ओम अस्पताल चाबहिलमा भर्ना गरिएको थियो।

अस्पतालको आइसोलेसनमा रहेका कोइरालाले आज भिडिओ सन्देश सार्वजनिक गर्दै नर्सिङ होममा आइसोलेसनमा रहेको जानकारी दिनुुभयो। अस्पतालबाट २,३ भित्रै डिस्चार्ज हुने हुँदा कोइरालाले आफ्ना शुभेच्छुकहरुलाई चिन्ता नलिन आग्रह गरेका समेत गर्नुभएको छ। कोइरालालाई भदौ २३ मा कोरोना संक्रमण देखिएको थियो।