२०८३, भाद्र ९ गते
- यो साता चर्चामा :
काठमाडौं । मन्त्रिपरिषद्को बैठक अहिले बालुवाटारमा बस्दै छ । । साँझ ५ बजे बस्ने भनिएको बैठक डेढ घन्टापछि अर्थात ६.३० मा मात्र सुरु भएको प्रधानमन्त्रीका प्रेस सल्लाहकार सूर्य थापाले जानकारी दिए ।
बैठक नियमित भए पनि केही महत्वपूर्ण नियुक्ति र सिफारिस हुन सक्ने प्रधानमन्त्रीको सचिवालयले जनाएको छ ।
बैठकले नेपाल विद्युत प्राधिकरणको कार्यकारी निर्देशकको नियुक्ति तथा राष्ट्रियसभामा वामदेव गौतमको सिफारिसलगायतका महत्वपूर्ण विषयमा निर्णय हुनसक्ने स्रोतले यसअघि बताएको थियो ।
यसअघि नेकपाको स्थायी समिति बैठकले रिक्त राष्ट्रिय सभा सदस्यमा पार्टी उपाध्यक्ष वामदेव गौतमलाई पठाउने निर्णय गरेको छ ।
त्यसैगरी, ऊर्जामन्त्री वर्षमान पुनले पनि यसअघि प्राधिकरण पूमुखका लागि आगामी मन्त्रिपरिषद्मा कुलमान घिसिङको पुनर्नियुक्तको प्रस्ताव लैजाने बताएका थिए ।
यद्यपि, यी दुवै विषय आजको मन्त्रिपरिषदको नियमित एजेन्डामा नभएको स्रोत बताउँछ ।
विद्युत प्राधिकरणका कार्यकारी निर्देशक घिसिङ चार वर्षे कार्यकाल सकिएर बिदा भइसक्नुभएको छ । उहाँको पुनः नियुक्ति हुन्छ कि हुँदैन भन्ने विषयलाई महत्वका साथ हेरिएको छ ।
