२०८३, भाद्र ७ गते
- यो साता चर्चामा :
काठमाडौं । नेकपा एमालेका अध्यक्ष केपी शर्मा ओली प्रधानमन्त्री तथा नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ निवास खुमलटारबाट बाहिरिनुभएको छ ।
साढे २ घण्टाको भेटवार्तापछि खुमलटारबाट ओली बाहिरिनुभएको हो । नेपाली कांग्रेस नेतृत्वको गठबन्धनबाट बाहिर ल्याएर प्रचण्डलाई प्रधानमन्त्री बनाएपछि ओलीको दौडधुप बढेको छ ।
प्रचण्डसँग समसामयिक विषयमा छलफल भएको अध्यक्ष ओलीले बताउनुभयो । दुई नेताबीच आगामी सहयात्रा र सत्ता गठबन्धनमा हुने भागबण्डाको विषयमा छलफल गरेको बुझिएको छ।
यसअघि संसद् विघटन गर्नु अघिल्लो दिन २०७७ पुस ४ गते साँझ ओली खुमलटार पुग्नुभएको थियो । प्रतिनिधिसभा विघटनपछि ओली र प्रचण्डबीच दूरी बढेको थियो। भोलि फेरि बालुवाटारमा सत्ता साझेदारी दलको शीर्ष नेताहरुबीच छलफल हुनेछ ।
मन्त्रालय भागबण्डाको विषयमा सामान्य छलफल भएपनि भोलिबाट मात्रै औपचारिकता पाउने छ। माधव नेपाललाई सरकारमा ल्याउने प्रधानमन्त्रीले पहल थालेपछि सकारात्मक रूपमा प्रक्रिया अघि बढेको छ ।
