काठमाडौं । प्राइम टाईम्स टेलिभिजनका दृश्य सम्पादक अनिल गौतमको सडक दुर्घटनामा परी निधन भएको छ । कार्यालयबाट घर फर्किने क्रममा गौतम सवार बा २९ प १४७९ नम्बरको मोटरसाईकललाई प्रदेश ३ ०१ क ४५६३ नम्बरको ट्रिपरले ठक्कर दिँदा गौतमको घटनास्थलमै निधन भएको हो ।

काठमाडौंको धुम्बाराही स्थायी घर भएका उनलाई तिनकुनेमा ट्रिफरले ठक्कर दिएको हो । ५२ वर्षीय गौतम भक्तपुरको कौशलटारमा स–परिवार बस्दै आएका थिए ।

पोष्टमार्टमको लागि गौतमको शव त्रि.वि. शिक्षण अस्पताल, महाराजगञ्ज लगिएको छ । अस्पतालमा प्राइम टिभीका अध्यक्ष ऋषि धमला, सिईओ निर्जल श्रेष्ठ र सहकर्मीहरु पुगेका थिए ।